BENENNIDU SEGNORE (Testo di Mario Pudhu, melodia di Graziano Orro)

CARAVAGGIO:  Natività con i santi Lorenzo e Francesco.

Benènnidu, Segnore, a domo mia!

Cherzo ch’inoghe ch’ istes sempre Tue

E siat custa totu domo tua!

Benènnidu, Segnore, a domo mia!

 

Ti ses dignadu Tue, Eternu Amore:

As tentu dolu de su pecadore,

Tue de sa vida nostra lughe e ghia

Benènnidu, Segnore, a domo mia!

 

As tentu dolu de su male meu!

No tenzo incensu e mirra e no tenz’ oro,

Ma intra, beni e lèadi su coro,

Chi durche m’at a esser su recreu.

 

Benènnidu, Segnore, a domo mia!

Dònami un’ischentidha ‘e lughe tua

Chi andhe ifatu tou in su caminu

E tenza sempre a Tie in cumpanzia!

 

De fortza tua carchi pimpirida

Ti pedo de azudu ch’in sa vida,

Pro chi cun tegus andhe e sempre sia!

Benènnidu, Segnore, a domo mia.