VANITAS VANITATUM, di Piero Marcialis
Questo intervento viene pure pubblicato sul portale di Tramas de Amistade, sul blog di Vito Biolchini e nel portale Aladin.
VANITAS VANITATUM
Sa callentura est arziendi. Is elezionis regionalis sunt s’emergenzia prus intendia, no est ancora in sa bucca de totus, ma in sa conca eja.
Totus sonnant de fai su Presidenti de sa Regioni o asumancu su cunsilleri.
Calincunu dd’at nau giai, calincunu s’intendit giai acanta de su traguardu.
Seus a su Triunfu de sa Vanidadi, a ponni s’allirghia de una dì sceti, po unu
titulu de onori falsu, ananti a sa bellesa de bivi s’avventura storica de liberai unu populu de is cadenas suas.
Cappellacci est faendi de manus e de peis po c’arribai: commissariat provincias, currit a tot’is microfonus, cantat sa canzoni de sa zona franca, narat chi at arresuscitau a S.Elia…
Michela Murgia dezidit su 3 de austu.
Certu, si fiat de scioberai intra de custus duus, em’a votai siguru a Michela Murgia.
Ma sa lista est prus longa. Prus forti iat a porri essi Renato Soru, ma no parit chi issu s’intendat forti. Inzadas c’est Francesca Barracciu, ma s’opponit Deriu de Nugoro (po no nai de Lai e de atrus puru).
Certu, intra Deriu e Barracciu em’a scioberai Barracciu. Ma intra Barracciu e Murgia?
Murgia pero’nanta chi no tenit possibilidadi, unu gruppu indipendentista piticu su suu.
Barracciu però est de su PD, unu partidu chi s’est postu a guvernai cun Berlusconi.
E is indipendentistas ita nanta? E ita nant a “sinistra”?
Ma chini est sa “sinistra”? Su PD chi est cun su PDL? A su prus iat a essi centru. Sa “sinistra” iat a essi SEL, ma si andat cun su PD? Inzadas “sinistra” est chini non andat cun nisciunus? Su Movimentu 5 stelle? Rifondazione? E s’Idv ita fini at fattu? E Ingroia?
E Morus Arrubius? Est “sinistra”? Est indipendentista? Tot’e is duus? Sovranista, nanta.
‘esùmmaria… mancu malis chi a s’atra parti puru c’est pagu cos’’e arriri.
Cappellacci non praxit a totus. C’est Mauro Pili chi ddi fait cuncorrenzia.
E su PDL è centru o “destra”? Non est Oppi su centru? O su centru veru est su Psd’az?
Eh, su Psd’az est margiani, imoi innia, imoi innoi, aundi prus c’est su bobboi.
Po concludi: ma is sardus ita bolint?
Su cambiamentu? Tipu pastissu de Roma? Cinc’annus a denuntziai Cappellacci e a sa fini si ddu cojaus?
S’unidadi de sa sinistra? Cun chini? Cun chini non ‘ndi ‘olit sciri oppuru cun chini “seis totus de “destra”, ma deu no”?
S’unidadi de is sovranistas? E ita iat a essi? Un arrogu de PD e Sel, Morus Arrubius, Indipendentistas (cussus bonus, pustis eus a biri), Idv, Rifondazioni, Azioni Civili, ecc. ?
A ‘nci bogai a totus? Sa maggioranza assoluta a su Movimentu 5 stelle? Oppuru sa maggioranza assoluta a is indipendentistas (si sunt unius) cun in prus is movimentus (pastoris, artigianus, commerciantis, ecc.) ma, chi siat craru, sene “italianus”?
C’est de perdi sa spera candu bis chi custu populu no arrennescit a agattai sa ruga sua, a s’arreconnosci ind unu programma, a si ‘olli agiudai s’unu cun s’atru.
Perdius in mes’’e a milli fueddus, alluaus de una propaganda sene sustanzia, arrenconaus in sa tzeracchia, limosinendi in is passadissus de su Palazzu, oppuru rebellus chi si fidant de is ghias chi ddus faint vagai innoi e innia, in camineras sperdias chi mai s’incontrant.
Unu populu chi non agattat is intellettualis “organici” suus, cussus chi donant fueddu a is problemas de sa genti, ominis cun ambizionis mannas, non cussas piticas de capus chi no pigant sonnu, sonnendisì a ogus obertus unu postu a s’umbra de sa sabiesa falsa, sabiesa chi dividit e non unit, s’antigu diciu de s’egoismu sardu “budda beni sa pingiada mia”, chi parit sempri biu a “sinistra” e a “destra”.
Sardus bravus medas, stimant sa Sardigna, ma no stimant is sardus.
Certu seus una nazioni, ma podit essi chi no seus ancora unu populu.
Piero Marcialis
VANITAS VANITATUM
La febbre sta salendo. Le elezioni regionali sono l’emergenza più sentita, non ancora sulla bocca di tutti, ma nella testa sì.
Tutti sognano di fare il Presidente della Regione o almeno il consigliere.
Qualcuno lo ha già detto, qualcuno già si sente vicino al traguardo.
Siamo al Trionfo della Vanità, all’anteporre la gioia effimera per un titolo falsamente onorifico alla bellezza di vivere l’avventura storica di liberare un popolo dalle sue catene.
Cappellacci fa di mani e di piedi per arrivarci: commissaria province, corre a tutti i microfoni, canta la canzone della zona franca, dice che ha resuscitato S.Elia …
Michela Murgia decide il 3 di agosto.
Certo, fosse da scegliere tra questi due, il mio voto andrebbe sicuro a Michela Murgia
Ma la lista è più lunga. Più forte sarebbe Renato Soru, ma non sembra che lui si senta forte. Allora c’è Francesca Barracciu, ma si oppone Deriu di Nuoro (per non dir di Lai e di.altri ancora).
Certo, tra Deriu e Barracciu, sceglierei Barracciu. Ma tra Barracciu e Murgia?
Murgia però dicono che non ha possibilità, un piccolo gruppo indipendentista il suo.
Barracciu però è del PD, un partito che s’è messo a governare con Berlusconi.
E gli indipendentisti che dicono? E che dicono a sinistra?
Ma chi è la sinistra? Il PD che sta col PDL? Al massimo sarebbe centro. Sinistra sarebbe SEL, ma se va col PD? Allora sinistra è chi non va con nessuno? Il Movimento 5 stelle? Rifondazione? E l’Idv che fine ha fatto? E Ingroia?
E Rossomori? E’ sinistra? E’ indipendentista? Tutt’e due? Sovranista, dicono.
Gesùmmaria… Meno male che anche dall’altra parte c’è poco da ridere.
Cappellacci non piace a tutti. C’è Mauro Pili che fa concorrenza.
E il PDL è centro o è destra? Non è Oppi il centro? O il centro vero è il Psd’az?
Eh, il Psd’az è furbo, ora qui, ora là, dove meglio se po’ magna’.
In conclusione: ma che cosa vogliono i sardi?
Il cambiamento? Tipo pasticcio di Roma?
Cinque anni a denunciare Cappellacci e infine ce lo sposiamo?
L’unità della sinistra? Con chi? Con chi non ne vuole sapere o con chi “siete tutti di destra, tranne me”?
L’unità dei sovranisti? Che cosa sarebbe? Un pezzo di PD e Sel, Rossomori, Indipendentisti (quelli buoni, poi si vede), Idv, Rifondazione, Azione Civile, ecc.ecc.?
Mandare via tutti? Maggioranza assoluta al Movimento 5 stelle? Oppure maggioranza assoluta agli indipendentisti (se uniti) con in più i movimenti (pastori, artigiani, commercianti, ecc.) ma, sia chiaro, senza “italiani”?
C’è da perdere la speranza nel vedere che questo popolo non riesce a trovare una sua via, a riconoscersi in un programma, a voler collaborare con sé stesso.
Perduti tra mille proposizioni, incantati da futile propaganda, chiusi negli angoli della subalternità, questuanti nei corridoi del Palazzo, oppure ribelli fiduciosi nelle guide che li fanno vagare di qua e di là, per sentieri sperduti che non si incontrano mai.
Un popolo che non trova i suoi intellettuali organici, quelli che danno voce ai problemi della gente, uomini di grandi ambizioni, non quelle piccole di leader che perdono il sonno, sognando ad occhi aperti un posto all’ombra della falsa saggezza, saggezza che divide e non unisce, l’antico motto dell’egoismo sardo “budda beni sa pingiada mia”, che sembra sopravvivere a sinistra e a destra..
Tanti bravi sardi, amano la Sardegna, ma non amano i sardi.
Siamo certamente una nazione, ma forse non siamo ancora un popolo.
Piero Marcialis
