ITA CHISTIONU A FAI?, poesia de Piero Marcialis
E’ nato a Cagliari nel 1948 ove si è laureato in filosofia. Attualmente risiede a Quartu. E’ autore, attore e regista di varie opere teatrali e di ricerca etnografica tra cui: Nella valle di Lanaittu (1986); Gemellus (1991); Sa dì de s’acciappa (1996); Emilio Lussu (mc, 1996); I riti della settimana santa a Gesturi (1997); Sa creazioni (2007). E’ componente del direttivo della Fondazione Sardinia.
ITA CHISTIONU A FAI?
Ita chistionu a fai
si seus giai museu
prima puru di essi storia
e totu su pani de onnia dì
tenit sapori de feli ammisturau
in s’umbra de nuraxis arruinaus?
Cudda felicidadi antiga lastimada
a su tempus feniciu e cartaginesu
fiat giai colonialismu
gaunciu marigosu
chi de sempri si serra sa bucca.
Occupada sa terra e furriada
a basi militari e bassa industriali,
disterru de ominis capazis
chi ddi nant emigrazioni,
mill’annus de suggezioni
de sanguni e ciorbeddu,
francu su feli fuliau
de cussus chi ddi zerriant bandius
armas chi ferint a nosu e totu
cun fruttus de presoni e de grandu paura.
S’Italia s’at donau sa scheda po votai
cun follius de prumissas de pani e de traballu
cun risultaus de famini de pani e de cultura,
s’Europa connoscit un’isula de mari de soli e de ispassiu
milli fueddus ci sonant in s’istadi…
in s’ierru torrat su silenziu.
E in su silenziu torraus a chistionai,
e chistionu deu puru in custa lingua antiga
chi est durci e marigosa de sentidu,
ma ita chistionu a fai?
(Piero Marcialis)
