Est s’Annu Nou: Bonos printzìpios e menzus fines!

Est s’Annu Novu:

Bonos printzìpios e menzus fines!

Cuncòrdia a sos Sardos, cultura manna, sarda e de su mundu, abilidade e bonucoro, corazu, onestade, contipizu e fortuna.

Trasportos bundantes e baratos,

pro nois e pro sos istranzos,

turismu securu e bellu,

 

industrias sanas, pro s’isvilupu, inquinamentu nudda,

ne armas de su dimòniu pro ochìder zente, e chi non benzat su nucleare.

Ocupatzione e pane pro totus,

chi siat bonu,

anzones grassos e mannaleddos, chin cada frùtura e ortalìssia, mai nos manchet s’agricoltura.

Sos emigraos, torrae totus,

a s’àtera Pasca bos isetamus, torrae ricos, sanos, alligros.

Sa Regione: chi dae mala si facat bona. Est s’Annu Nou:

Bonus prlnclplus e mellus finis!

 

(1981, dae Migheli Columbu, ollolesu e president de su Partidu sardu)