In domo, poesia de Mario Cubeddu Morette

Su sabodo de sa poesia: su de ses, de Mario Cubeddu Morette.

In domo

Cale iat a esser su mundu in armonia

bene ordinzadu comente s’ispetat?

Cando su sole ti lusingat lenu

no abastat, e candu

currit abba lughente in rios cantande

no abastat, su cantu ‘e su pizzone

subra ‘e filu

no abastat, si chentu miza euros

narat sa banca ca sun arribados

po su triballu de totu sa vida

no abastat, si su ‘corrieredellasera’

t’imentuat e paret ca t’agatas,

no abastat

ma si in caminu sa cara e su foeddu

de su paesanu tou ti saludat

(narande su numini tua)

eia, coro e mente naran:

in custu mundu bi potzo bivere.

 

 

A casa

Quale sarà il mondo in armonia

sistemato bene come deve essere?

Quando il sole ti carezza leggero

non basta, e quando

acqua lucida corre cantando nei ruscelli

non basta, il canto dell’uccello

sul filo

non basta, se centomila euro

la banca dice che sono arrivati

per il lavoro di tutta una vita,

non basta, se il corrieredellasera

scrive il tuo nome e sembra che esisti,

non basta,

ma se per strada il viso e la parola

del tuo compaesano ti saluta

(pronunciando il tuo nome),

si, cuore e mente dicono:

in questo mondo ci posso vivere.