Ita seus, s’unu po s’ateru … in duas poesias (E ita mi ses tui /-/Sa manu), de Mario Cubeddu

Su sabodo de sa poesia: su de batoro (cun duas poesias) de Mario Cubeddu Morette.

 

E ita mi ses tui

 

E ita mi ses tui, no mi ses nudda

no mi ses farde e no mi ses parente

no mi gias a papae no mi pagas

bier no mi faes in televisione;

intrae no cherzo deo cun tui in pelea

no mi criches po custu machìmini

su chi seo deo no est cosa po tui

no mi ninniat su sonnu penzamentu

de essere nois de familia matessi

ca no ddu seus nimancu de tesu

fae tui sa ‘oghe tua ca deo

fazu sa mia e bideus chie llompet

prus a tesu. De si ponner paris

no est cosa ca nudda tenes de mi

porrer giae

naras ca mi ses farde ca ses sardu

ma custu a mimi no mi narat nudda.

 

Cosa sei per me

 

E cosa sei per me, tu non sei nulla

non sei fratello e non mi sei parente

non mi dai da mangiare non mi paghi

non mi fai vedere la televisione;

io non voglio entrare in gara con te

non cercarmi per questa follia

quello che sono non è cosa per te

il sonno non mi culla il pensiero

che noi siamo della stessa famiglia

non lo siamo neanche da lontano

fai pure la tua parte perché io

faccio la mia e vediamo chi arriva

più lontano. Di metterci insieme

non se ne parla perché non hai nulla

da potermi dare

dici che mi sei fratello perché sardo

ma questo a me non dice proprio nulla.

*****

Sa manu

 

Sa manu chi oe t’at giau su soddu

est sa matessi chi t’at nau ca no;

ariseo maru e oe fattu a bellu

seo semper cuddu chi no biet

s’òmini in sa manu pedidora:

si fuit istetiu a buffae impare

allegande de babbos e de mammas

de terras cun abba fatta a pruniu

de logos a tesu in mesu ‘e mare

si fuit istetiu a s’abadiae in cara,

ma no ti potzo bier in s’oru ‘e s’enna

a isprigu de sa manu pedidora.

 

La mano

 

La mano che oggi ti ha dato la moneta

è la stessa che ti ha detto no;

ieri cattivo e oggi diventato buono

sono sempre quello che non vede

l’uomo nella mano tesa a chiedere:

se fosse stato un bere insieme

a parlare di padri e e di madri

di terre con acqua fatta polvere

di luoghi lontani in mezzo al mare

se fosse stato un guardarsi in faccia,

ma non ti posso vedere sulla porta

a specchio della mano tesa a chiedere.