FRUGULLIENDI… di Aldo Lino

POESIAS e PINTURAS (5) de Aldo Lino. Sighèus sa rubrica in limba de su sàbodo in poesìa campidanesa, a su modu de Sobarùssa.

 

ISSU:

…e tocca bai affroddiera

calladì tott’a sa muda

ma no ti’ndi pari manera

de giogai ch’e una fiuda

coru strintu m’as segau

sempr’avvattu a is fiolleras

mi sia ca isconciu s’amigau

chellu biere chi mi poderas…

 

ISSA:

…e tocca bai affroddieri

no mi cricchis sa natura

bendu pisci cun fogheri

mancai sia piscau a fura

cara alligra e cori unfrau

aspettendi stimma manna

giogu scetti cun connau

fogu attizzu cun d’ua canna…

 

ISSU:

..ca no astessis macchillotta

deu scidiu ca fias brullana

faimmi biri sparedda cotta

spanu bellu seu in sa piana

ogus mius lambrighittaus

beimmi avvattu senz’e arrisu

arregottas pottu is maus

toccamì comment’e in bisu…

 

ISSA:

…teni passenzia sciadadeddu

deu no seu sconcia giogus

mancai tui ti ponis cappeddu

ca deu accudu a custus fogus

bai in s’arruga a fai passillus

si no sciarroccu carr’e nannai

seu traversa cun is cabillus

dinai bi gheride po assaborai…

 

(a.l. 31.07.15).