DA’E CUSTA TRISTURA, de Aldo Lino
POESIAS e PINTURAS (4) de Aldo Lino. Sighèus sa rubrica in limba de su sàbodo in poesìa campidanesa, a su modu de Sobarùssa.
DA’E CUSTA TRISTURA
Da’e custa tristura
po si mascherare
si piaghe frittura
pro carresegare
es pronta sa farra
e s’ollu in sa brocca
no pappu a iscrocca
marìgu sa marra
pro fai pillus buidus
a lestru luegus
mancai sian minudus
‘ndi pappa su negus
chi no paras frittus
con zuccuru a velu
sun propriu licchitus
ch’e angel’in chelu
ma mellus is zippuas
attipp’anguidda
‘ndi ollu attra duas
ddas pottu a pobidda
si abarrada impastu
fadeus meravillas
nemmancu s’arrastu
‘nd’abarrada a fillas
po carresegare
si piaghe frittura
pro si mascherare
da’e custa tristura.
(a.l. 25.01.2016).
