LUGHES, di Aldo Lino
POESIAS e PINTURAS (2) de Aldo Lino. Sighèus sa rubrica in limba de su sàbodo in poesìa campidanesa, a su modu de Sobarùssa.
Su sobi obrescendi
atturat pagh’ora
ma lughe incrarendi
promitti bonora
diaicci seus fattus
nos basta stiddìu
chi nodriad’is sattus
e arristora pippìu.
Finza luna cabendi
lugore nos faghede
memorias penzendi
chi die no si daghede
ma a moda de pudda
a frusti abbrancada
no ballidi a nudda
cun lughe istudada.
Mi fai cumpannia
sa lugh’e candeba
mancai deu no sia
piccioccu de leva
avvattu a is sentidus
chi bessin de coru
ca contu cun didus
s’amori e su dolu.
(a.l. 31.01.16).
