Su 13 de su mese ‘e marzu, de Mario Cubeddu

Poesia.

Su 13 de su mese ‘e marzu

Pobidda mia bogat pistighinzu

bessende po andae in farmacia:

mi chi no istes in mesu ‘e sa currente

ca no cherzo chi tui t’imaladies;

e issa andat cun su passu forte

e deo abarru cun pistighinzu meu.

Chie s’at fatu s’at giau un’ donu mannu,

de tenner gosu de su coidu ‘e s’atere:

est natura no est religione

de t’interder prus ricu candu donas;:

s’òmimi chi at bochiu cudda lupa

ddi faet su coro modde su catzeddu;

e diosi naschit s’amiganzia manna

de òmini e de cane chi cumprender

no si poet si penzaus a su chi seus

e a su mare chi ndi seus capatzes.

13 del mese di marzo

Mia moglie si dice preoccupata

uscendo per andare in farmacia:

vedi di non stare in mezzo alla corrente

perché non voglio che tu ti ammali;

e lei se ne va con passo forte

e io resto con la mia preoccupazione.

Chi ci ha fatti ci ha dato un grande dono,

di trarre gioia curandoci degli altri:

è natura non è religione

sentirsi più ricco quando doni;

l’uomo che ha ucciso la lupa

si intenerisce nel vedere il cucciolo;

e così è nata la grande amicizia

tra uomo e cane che non si può capire

se pensiamo a quello che siamo

e a tutto il male di cui siamo capaci.