“INTRIGHI DI PALAZZO”, dialoghi politici, semiseri, in bainzinu (2), di Benedetto Sechi.

Personaggi: Matteo Renzi, Luigi Di Maio, Matteo Salvini, Giuseppe Conte. *Bainzinu: lingua parlata in Tatari Mannu, Purtuturris ed altri cinque comuni vicini.

4) Renzi telefona a Conte per comunicargli che intente fondare un nuovo partito.

dialoghi politici semiseri in bainzinu.

 

Renzi: pronto Giusè, prontoooo,

Conte: Eja, cosa marannu sei zichirriendi Mattè? Cosa diauru ti manca ancora?

Renzi: E t’era dizzendi,  Giusè, chi z’aggiu mandaddu a fancuru a Zingaretti e a tutta chissà manigga di bucarotti di lu pashiddu democratiggu!

M’abbru un pashiddu a contu meu e andiani tutti che la chixina. Parò tu sthai sirenu, cumenti abiammi cuncushaddu, candu chissu ureri di Salvini s’è tagliaddu le balle, eu li patti li mantenggu, e tu cuntinua a fa lu chi sei fendi, chi no ti n’abarai ad agattà mari!

Conte: Eh, la madonna santissima, ma già puristhi aisittà un poggu, cazzu, a te non ti dazzi tempu nuddha? Mi chi addobbi si n’abbizzani chi erammi d’accosdhu?

T’aggiu dittu chi già li trattu bè li pizzinni toi un posthu pa d’ugnunu già l’agattu. Puru la femmina, cumenti si giamma? Maria Elena già vi pensu eu a collocalla.  ma tu già lu sai chi a me piazzaritshia fa lu presidente di la repubbrica, non ti n’immintigà!

Ma dimmi? Cumenti l’ha pigliadda lu fradeddhu di Montalbano? Chi è fasthidoiosu cument’è la sabbia i li mundandi!

Renzi: lassa a pisdhì Giusè, s’è incazzaddu maramenti, lu dibisthi vidè, aggiummai li farà un raju!! “ e chisthu non mi lu dibisthi fà”… “eu non t’aggiu mai fattu mari”, insomma Giusè chisthu Zingaretti non ha cumpresu un accidenti, mi paria, Letta, candu n’irraggia pigliano la campaneddha, Azz, a ti n’ammneti? Degna risadda a dì?

Conte: Lu foggu ti magnia Mattè, già sei poggu infidiaddu. Megliu abetti amiggu a te!

Renzi: Eh già no  soggu cussì maru, beh abà aggiu astrha cosa chi fa, avvidezzi sani e… sthai sirenu Giusè!!