Sono finito in un montone! de Luciano Carta

Sos contos de Luciano Carta

 

In ‘Oloène po narrer chi unu caminat fusidu che-i su ’entu si narat: “currere in corrias de ’entu” o puru “de fogu”.

Narant sas limbas malas chi su cortzu de tiu Palimoddhe, po mustrare a sa zente chi sa famillia sua fit de zente ’ona, pretendhiat chi sos fizos faeddherent in italianu. Sendhe però chi s’italianu suo fit ispeziale, namos italianu porcheddhinu, sa zente naraiat chi faeddhaiat “in tauladu”.

Una ’orta l’aiant cramadu urgente dae sa Comune edd’est arrivadu luego abbatandhe (s’omine che fit bezzu).

Li ant dimandhadu:

“Tiu Pà’, elle ite bos est capitadu?!”.

“Eh! – at rispostu – ne sono sceso da casa in corrìe di fuoco!”.

E teniat resone, ca ch’istaiat in su coddhu de Santa Maria e fit totu in falada.
Un’atera ’orta aiat toccadu sa macchina, una R7 ’ezza e malandhada, e li ant dimandhadu:

“Tiu Pà’, elle comente est capitadu!”.
“Eh, c’era un’ama di pecore nel camino e per non rugrarle sono finito in un montone di sabbia!”.
Est a beru ’eru chi sos Italiotas sos Sardos non los ant mai conchistados!