Su sou consolu

Titìa Peppa Babbu nostru

cussu est su sou consolu,

si che falat a Portolu

a si leare su sole.

Sutta su muraglione

bassu bi faghet su ’entu,

cussu est su sou cuntentu

de si poder isvagare.

Tandho torrat a zirare

a su nou finimentu.

Titìa Peppa Babbu nostru

cussu est su sou consolu.

Duos contr’a unu

«Ohi, perdeu, za bi la faghides, duos contr’a unu!», naraiat a boghe arta, rientrandhe a domo, tiu Micheli.

In su mentres tia Liseddha est bénnida a passare. Li narat:

«Michè, ma ses solu! Non t’est iscudindhe nessunu!».

A istontonadas e a zighi zaga, tiu Micheli at fattu pagos passos edd’est ruttu a car’a a terra. E torra at abboghinandu:

«Ohi ohi, perdeu! Tue, cara Liseddha, non los bies, ma za sunt duos sos fiascos de ’inu chi che zutto in corpus! Cumpresa che l’as como Lisèeeh!».

Finas sos biradittos ch’at torradu e s’est tottu bombittadu!

Condividi su:

• 
•