Augurios po su 2019, in totu cussu chi disizàis, dae sa Fondazione Sardinia

Condividi su:

• 
• 

 Stampa questo articolo

Ai lettori di questo blog, comunicazioni | cubeddu 1 gennaio 2019

1 Comment to “Augurios po su 2019, in totu cussu chi disizàis, dae sa Fondazione Sardinia”

1. By Mario Pudhu, 1 gennaio 2019 @ 08:11

   Ite terra fortunada
   custa Sardigna nostra:
   che cantant Sos Dimónios!

   Pro àteru…
   Eh poetas! Eh artistas!
   Mancu indipendhentistas
   cantendhe intendho mai,
   petzi a rodas irgónfias
   che zente disisperada:
   candho est própriu meda
   solu a s’innamorada,
   o nàmuli “diosa”
   ca est própriu cosa,
   e paret chi bastat gai
   in sa sólita giostra
   che zente irbadhinada!

   Si ponimus chistiones,
   no pregamus a Deus:
   pregamus sos Barones!

   Boré, gràtzias de sos augúrios; ma deo no bi tio pònnere s’agt. «totu» ca bastat unu pagu de atentzione pro cumprèndhere chi disizamus fintzas machines mannos.
   In prus, custu “auguri” de s’italianu no si cumprendhet si est pira bona lómpida, o pira cherfa o mancari pirastru cherfu chi ponet in bula in perígulos de nos allupare, fintzas si no tenzo dúbbios chi tue, a númene de sa Fondazione Sardínia, los faghes in su sensu bonu prus profetosu.
   Est unu “aguri”/lampu.
   Su Sardu bi podet prus tempus:
   Bae in bonora! Deus ti acumpazet! Bae in sa pagh’e Deus! A ti ndhe gosare cun salude! Bonavortuna tenzas! A lu connòschere mannu e bolu! A fai s’Annnunou sanus e prexaus! A spaciai cun saludi!
   Cherimus fàghere che lampu?!, Lampu, no paret bellu meda! Ca su lampu za est lestru, ma est su raju. E difatis ponent totue “parafulmini” (chi tiant andhare bene fintzas pro sos “balentes” chi no ndhe faghent contu ca…, sinono proite su balentes?).
   A donzi modu, a totu sos de sa Fondazione Sardínia, a totu sos Sardos e a totu sos su mundhu, a fàghere s’annu nou e totu sos annos sanos e cuntentos, pessendhe chi sos machines nos faghent irmalaidare e prànghere puru!