SUSTENNI SU 28 DE ABRILI IN CASTEDDU!

Su cuncertu de su 2017 in s’Universidadi de Casteddu

Salludi,
Ocannu puru Scida Assòtziu Indipendentista est cuncordendi una bella festa po Sa Die de sa Sardigna in Casteddu. Sa bidea, est de fait sa secunda editzioni de su “Cuncertu po Sa Die“: unu bellu cuncertu cun artistas sardus chi in sa produtzioni artistica insoru imperant sa lìngua nostra, fueddant de chistionis acapiadas a s’autoderminatzioni natzionali e sotziali de su Popolu sardu e a sa cultura nostra.

Sigumenti a su cuncertu no fadeus pagai sa bintrada – po ita bolemus chi totus potzant afestai custa diri nodida – seus arregollendi una parti de su dinai cun una arregorta online, unu “crowdfunding”, po tenni a su mancu su dinari po coberri calincuna spesa (sceti po pagai su logu serbint prus de 700€) e seus scriendi custa litera a totus is patriotas chi connosceus po ddu su cumbidai a donai una oferta in custu giassu >>> https://musicraiser.com/it//projects/10367

Po donnia donatzioni de 10€ a 100€ nci funt arregalus e calincunu cumbidu o – chi teneis un’atividadi chi bolit fait de sponsor a su cuncertu – podeis sceberai de fai una donatzioni de 75€ (sponsor) o 200€ (sponsor principali): agatais totus is informatzionis a custu link.

Ocannu sa festa dda eus a fai a su “Lazzaretto” de Sant’Elia e cumenti s’annu passau nci ant a essi cumplessinus, sonadoris de musica traditzionali e boleus chi siat una festa manna!!!

S’agiudu tuu est de importu mannu, chi bolis podis fai girai custa litera a is cuntatus tuus chi podint essi de agiudu a sa causa.
Gràtzias de s’atentzioni e si bideus su 28 po sa Festa de su Populu Sardu!

PRUS ARREGOLLEUS E PRUS SA FESTA BESSIT BENI.
SUSTENNI SU 28 DE ABRILI IN CASTEDDU!