kandu in Nurra si “cantaba a la cariga o a li tre Re”, de Benedetto Sechi

Finza a cach’annu fa, in Nurra, la notti di la dì, zincu di ginnaggiu, s’andaba pa li cuiri a cantà la cariga o a li tre re. Chiterra e sunettu si cantaba:

“Bona notti a li padroni… “ finza a iscidanniri, a vosthi ti fazzianni intrà, tandu si cantaba umpari si bibia vinu, si cuntaba cache fora, fattu l’auguriu di bona festha, la padrona di casa dazzia un ciobbu di sasthizza, una junta di cariga, una pezza di caxiu, un buccioni di vinu bonu. A voshti, si in casa non v’era niscunu, purishti agattà cache cosa inn’anta lu ianniri, o addananzi a lu bachoni.
Pa fassi abrì la ianna si cantaba e sunaba: … Bona notti a li padroni, si zi lasseddi cantà, un fattu vi bogliu cuntà, non n’abemmu a iscì in gherra. Noi andemmu terra terra che cristhi… pa li cuiri… tantu innogga e tantu in kibi, faba non vi ni vuremmu, tutti li dinà chi femmu li punimmu a occi a sori, cariga di bon saori dedizzinni in kantiddai, un piattu a li baccai e a kiddhi chi ponini fattu, dedizinni un bon piattu di Kissa sasthizza bona… bonanotti a la padrona…
A manu a manu, a li pogghi chi aiani ichuminzzaddu, s’aggiugniani, da dugna casa, athri massai. Era un modu pa ischuminzzà l’annu in pazi e cuncosdhia… Abà zi tankemmu in casa e timimmu ad aprì la janna, ossia chi zi ni furiani lu bè ki abemmu…
Auguri a tutti li nurresi, li porthuddurresi e li sassaresi.

Condividi su:

• 
•